Lada ym em maya pho ya oo ileh ym yut yow krum u tynyap oo, kylli ka diah u Raja ya ka Sonam

Related posts

Sdang biang i slem su tulop ya kiwa kreh Muster Roll | Dawa wow su chwa ka 10 tarik yow yoh u lehkmen Behdieñkhlam

July 1, 2025

Kyrpaad kiwa kreh ka JHADC ya u Conrad wow pynlait ya ka poisa katkam wa da kular

July 1, 2025

Ka diah u Raja Raghuwanshi, ka Shrasti da kylli ko ya ka Sonam deiwa ong, “Hawa u Raja da smai u ya ka Sonam wow neh ynñiaw pateiñ wa ka, tangwa ileh du ynñiaw sngi wa lai leh ymye ko wow neh wa oo?”

Ya ini waroh ka Shrasti da kylli ko ha i Video wa da booh ko ha Facebook wa kiwi ki Social Media heiwa da kylli ko leh ya ka Sonam wa lada ym maya ko ya u Raja wei lada em bru ko chawi weileh ym yut ko wei weileh hap tynyap ko oo deiwa knieh ya u payu wa u khon ki bru.

Neiliang ka Shrastri da booh ko boon tylli ki Video ha ki Social Media Account yong ka khamtam i bia wei iwa jia nadooh wa wiar wei chem yei metyap u Raja.

Ha iwi i Video da yoo ya ka Shrastri heipor wa bia u Raja wa ka Sonam heiwa da pyntipmit ko ya kiwa ha-yung u Raja nadooh ya ka, ka kong u, ki beikhian u wei khamtam u Raja hawa kut i Video.

Da booh ko leh ya ki Video heipor wa bia deilang i por wa thang kiwa ha-yung u yei dur ka Sonam ynne hadien wa tip yeiwa jia.

Katkam wa da pyntip ki pulit ynne, ya ka Sonam wa ki soo ngut kiwa emkti wow tynyap ya u Raja daw wanrah ya ki cha Shillong mynstep da ka lieñsuiñ hadooh ha Guwahati wei daw kit won ya ki cha Shillong wow rah cha Kasari.