Lada ym nood wow e Case ya u Modi wa u Shah yei pynbaad baam tooh ha Meghalaya pynyoo wa toh iwa sakhiat: Adelbert

U MLA ka VPP na North Shillong, u Adelbert Nongrum hapoh ka yung dorbar mang tangka ynne ka sngi da wanrah u ya ka phang yow yatai hajrong i klam u Prime Minister ka ri, u Narendra Modi wa u Home Minister ka ri, u Amit Shah kiwa da pynbaad ya ka Meghalaya kam ka jylla wa baam tooh dooh hapoh ka ri heipor wa wan yalap Election ki ha Ri-loom Garo ha ka 16, 17 wa 24 tarik u Thohlakhmi (Feb) 2023.

Da ong u wa lada ka sorkar jylla ym e ko yei jubab hajrong ini i chah pynbaad pynyoo wa man i iwa sakhiat wei kat kini ki bru wa em burom em kyrdan kammon u nood ki wow klam kam kini ki kyntien lada ym tip ki yei sakhiat wei lada ymtoh i sakhiat toh u e da ka Defamation Case ya ki neibhah ini i pynbaad kini ki arngut da mih khubor ki ha waroh kawi ka ri.

Neiliang u MLA ka AITC, u Dr. Mukul hawa chibynta ha ini i yaklam da ong u wa emkaam wow takit ya ini i chah pynbaad ha ki kaam baam tooh yow pynlait ya ka jylla na kam kini ki chah pynbaad.

U Montri Rangbah ka jylla, u Conrad Sangma hawa e yei jubab da ong u wa ha ki 5 snem wa da lai, ka sorkar da wanrah ko chiboon ki kaam yow pynku ya ka jylla deiwa khooid wa suba deiwa wanrah ya ka aiñ yow pyntikna wa da pyndep yei kreh hapoh i por wa da booh heiwa hadooh ka sorkar India leh da yaroh ko yei smat wow pyndep yei kreh heipor heiwa da yoh ka Meghalaya yei naam Best Performing State hawa pynkrehkaam ya ka JJM, ya ka PMGSY wei da chna sarok hadooh le chah ya iwa da ye wow leh 5 snem chwa u wan ka sorkar MDA.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Kamtæ da ong u wa i klam heipor wa yalap Election ym yoh u wow ong iyi iyi leh neibhah ha ki por Election da klam boon jait tangwa da ong u wa i krehlang ka BJP hapoh ka sorkar MDA-II hadooh wa u Prime Minister wa u Home Minister leh da wan ki wow embynta ha i pynsmai ya ka sorkar thymme iwa man leh i sien nynkong ha i parom ka jylla, da pynyoo yei sñiaw skem wei chaniah ki ya kani ka sorkar.

Chooh chooh da ong u wa kani ka Election 2023 ki paidbah leh da pynyoo ki yei chaniah wei kattu da toh i por wow ya krehlang noh wei sñiawthooh hi u wa dang neh i chit Election neibhah waroh da yaklam boon jait pyrchah kawi ka Party ya kawi ka Party wei ini toh i rukom kammon man ka yaleh Election.