U Montri Rangbah ka jylla, u Conrad K. Sangma da wai u ya ar tylli ki thaw sumaar ha West Garo Hills kawa kynthup ya ka Community Health Centre (CHC) ha Bhaitbari wa ka Public Health Centre (PHC) ha Chibinang hei emlang ki MLA, u S.G. Esmatur Mominin wa u Abdus Saleh.
Ha Baitbari, u Conrad da ong u wa ka sorkar da yaleh ko wow wanrah ya i rukom sumaar wa paka wei wa pliah bha ya ki paidbah ka thaaiñ wei i wai ya kani ka CHC toh ka sabut yong itæ.
Ya ka CHC dadep chna la kattu katni snem tangwa da slem won wow pynku kyrdan ya ka na ka PHC cha ka CHC.
Da pynsñiaw u leh yei kmen wa da ye u pynku kyrdan ya ka Bhaitbari PHC katkam wa angnood ki paidbah.
Heiyatoh won wa i wai ya ka PHC ha Chibinang, da ong u wa ka sorkar da yaleh ko wow pynku kyrdan ya ki thaw sumaar ha kylleiñ ka jylla wei da pynlut ko leh chiboon hajrong ini i kaam.
Ha kani ka sngi u Conrad da lai pait u leh ya ka Water Treatment Plant ha Bolbokgre kawa haap hapoh ka Bhajamara CS Circle yong ka Selsella C&RD Block, West Garo Hills. Kani ka kreh roh jawa hapoh ka JJM, Ministry of Jal Shakti.
U Conrad da lai ait u leh ya i thaw wow chna ya ka PHC ha Batabari, West Garo Hills.