Ar ngut ki dkhot ka Meghalaya Association of Kickboxing Organizations (MAKO) kitæ ka Lorenza Songthiang kawa dang lai puræ B.A. Second Semester ha Shillong College waka Satisfy Syngkon kawa puræ BA Sixth Semester ha Thomas Jones Synod College, Jowai deilang wa arngut kiwi kitæ ka Susi Disiar waka lbadarishisha Mukhim ki dkhot ka Meghalaya State Kickboxing Association (MSKA) daw mihkhmat ki ya ka North Eastern Hill University, Shillong ha ka All lndia Inter University Kickboxing Women’s Championship kawa daw pynman ha Jodhpur, Uttar Pradesh haka V.B.S Purbanchal University nadooh ka 24 hadooh ka 26 tarik uni u bnai.
Ka MAKO toh kawa sdang ha Meghalaya da u Master Donny Raphael Ranee ha u snem 1996 wei daw lehkmen ko yei dap 25 snem yei em yong ka ha Meghalaya ha uni u snem 2022.
Ka MAKO da dep pynmih ko ya chiboon kiwa yalehke kiwa da yoh takma hapoh ka ri wa cha baar ri leh kamjooh ha ki snem wa da lai kiwa katni da lai chakhmat wow kreh kaam ki chipai, pulit, Home Guards wa kiwi kiwi.
Neiliang ka MAKO da pyn-ehbok pyn-ehnasib ko ya kitai kiwa daw lai chimbynta ha kani ka All lndia Inter University Kickboxing Championships.
