Lai e yarap ka SIM ha chnong Panaliar

Ka Sarot I Man (SIM), ka seiñ ki 11 ngut chilok, ha ka 30-04-25 da wan ko ha chnong Panaliar, Jowai wow e yarap, heiwa ka chnong Panaliar lyngba ka Executive Committee yong ka da pdiang sñiawbha ko deiwa pynman ya ka yalang tbian.

Ya ka yalang da pynlai da u Assistant Waheh Chnong, u Arwotki Sumer heiwa neiliang ka chnong da e yei klam da uwi na ki Executive Member uwa da kreh slem bha hapoh ka chnong, u R. Thawmon Bamon uwa da yaroh hadooh kattæ kattæ ya ki kaam ka Sarot I Man deiwa ong wa man sakhiat ko ka seiñ kawa chynna jngai, khlem em itæ i sñiaw sor næ nongkyndong, deiwa lai e yarap bait ko kat cha kiwa em ki thaw kamwa jooh yoo u cha ki khubor man-ki-por.

Da ong u leh ka chnong Panaliar toh ka chnong kawa pynmih chiboon ki sap ki phong ha ki khon yong ka. Kamtæ ki dkhot ka Sarot I Man leh man ki heijooh i por ki khon ka chnong kiwa yoh ya ka sap ha kiwa boon ki liang. Da e u yei kyrkhu kyrdoh ya waroh 11 ngut ki dkhot yong ka yoh ki u nang ye chooh chooh u yarap ya kiwa emkam yarap, khamtam iwa sñiawsuk dooh u toh wa jooh e yarap kyllooid mynsien ki dei snaam cha ka Blood Bank. Kamtæ da ong wa to u Blai yoh u kyrkhu ya ki dkhot yoh ki u yoh ya i chait i khlan, yoh ki u ye u kreh ya ki kaam wa bha chaphrang.

U Aziz War, MA, LLB, DIM uwa jooh man kam u Functional Manager ka DCIC, Jowai, heijooh i por man u u dkhot waheh rta dooh ka Sarot I Man, da e u yei klam neiliang ka seiñ deiwa khana yei lai luti wa sdang ya ka SIM. Da ong u wa da kha ya ka ha ka 25-12-2020 chiruplang wa ka Motto næ ki kyntien imsngi -“KUNE HA I DÆ”. Da ong u wa ha ka SIM hi waroh ki dkhot toh u man ki i jooh i kyrdan hanla em ki ha kawon kawon ka kyrdan khih kyrdan kræh leh, ymhoi u ya sñiaw heh næ sñiwa khian heiwa ym emkaam u jied u thung ya ki President næ Secretary neibhah wym hoi u pynyaphær kyrdan para ki.

Related posts

District Cricket League: Jop ka Mowkaiaw ya ka Evergreen Mukhla Mission

May 2, 2025

Toh u knieh ya ki 7 jylla ka NE India lada chah hiar thma ka Pakistan: ong u heh chipai ka Bangladesh

May 2, 2025

Kamtæ ka SIM ha kani ka sngi da e yarap ko cha ka Panaliar da ka Pulpit yoh ka chnong u pynemkaam wei hanla man i iwa khian leh tangwa da kyrpaad ya ka chnong wow pdiang sñiawbha yeini wa da e dei maya nadooh mynsien ya ka chnong.