Ynne ka sngi, ki Montri ka Hima Mylliem da lai pait ki ya ka Ïewduh wow pyntikna ki wa kiwa wan yaw bood ryntih ki ya ki kyndon kamwa da phah ka sorkar heiyatoh wa ka khlam COVID-19.
U Montri MB Kharlukhi wa u K Langstieh ryngkat ki pulit Syiem da phah ki ya waroh ki paidbah kiwa em ha Ïewduh wow bood ya ki kyndon khamtam wow sap Mask, wei da phah leh ya ki tre dukan wymtoh u dai mar ki cha ki bru kiwa ym bood ya ki kyndon.
U Montri Langstieh da ong u wa ka Hima da chimkhia bha ko wow pait yei wan ki bru wa waroh bood ki ya ki kyndon deiwa kyntu leh ya kiwa chong yaw wow chim ki ya ki dawai yada COVID-19.
Neiliang u Montri Kharlukhi da ong u wa ka Hima da chimkhia ko khamtam hadien wa yoo wa ki paidbah da sdang biang ki wow kheiñstiñ hadien wa da pynyinsur ya ki kyndon wei da ong u wa ki paidbah katni da rap sñiawthooh ki neibhah wa da maad ki yei eh ha u snem wa dadep.
Da ong u leh wa neiliang ka Hima daw pteiñ ko wow paitsiar neibynta i bha i miat ki paidbah wei wow yada na iwon iwon i maa.