Ka Sariang’s Drug Store kawi na ki dukan dawai wa jooh e chakri wa khroo ya ki paidbah ka thaaiñ Namdong kamjooh ki marjan chnong la hei synnyaw i miet, khamtam ya kitu ki wa thiah kjut, kiwa wan kha khon ha Namdong PHC. Tangwa ha kini ki chi sngi ar sngi da em i pynboodnaam ya kani ka dukan lyngba ka Fake Account ha Facebook, kamtæ ki tre da sangeh noh ki u e dawai.
Neiliang ka sieñ FKJGP Thadlaskieñ Block da lai yachem ko wa kini ki tre dukan wei da chem ki wa biang ki kot ki sla wei man ryntih hi i pynlai ya kani ka dukan, kamtæ ka sieñ da kyrpaad ko ya ki tre wow sdang biang ki u e chakri ya ki paidbah.
Ka seiñ da kyntu ko leh wym toh u ap u sñiaw ya kiwa pynboodnaam khlem yurim ha Social Media.
Heijooh i por ka FKJGP da maham joor ko wei ym maap ko ya kiwon kiwon ki jait pynbaad wa pyndooh mynsien ya ki jaitbru yong i lada toh ha Social Media ne heiwon heiwon.
Ka kyrwoh na u President FKJGP Thadlaskieñ Block u Restom Rymbai.