Lai pait u Conrad ya ki kaam pynroi ha Khatarshnong Laitkroh C&RD Block 

U Montri Rangbah ka jylla u Conrad K. Sangma ynne da lai pait u ya ka thaaiñ Khatarshnong Laitkroh C&RD Block wow sylli yei mih soh ki kaam pynroi wei da ong u wa ini pynyoo i yei raikut ka sorkar wow kyntu kynrong ya ka thaaiñ wei wow pynkupbor ya kiwa chong chnong ha i liang i roi i paar. 

Da lai jngieh u leh ya i kreh wa da leh hapoh ka Mahatma Gandhi National Rural Employment Guarantee Act (MGNREGA) hapoh Laitmawsiang wa Laitsohpliah heiwa u Conrad da yaklam u leh wa kiwa kreh Job Card, ki Self Help Group (SHG) wa ki Village Organizations (VO) kiwa da ya emlang ha waroh kitai ki ar thaw kiwa da pynsñiaw leh yei rai kut wow pynlai chakhmat yei pynkrehkaam neibynta ka roi ka paar.

Neiliang u Conrad da pynsñiaw u leh hajrong ki kaam wa da leh ka sorkar hapoh ka chnong Laitryngew deiwa ong wa i kyruiñ ka sorkar cha ki toh wow pynkylla dur lyngba i kreh ya ki kaam wa boon wei wow pait yei man i long kiwa chong chnong.

Kini ki kaam kynthup ki ya ki thaw lehkmen ki khynnah namo ka ‘Children’s Park’ wa i thaw pynjra doh ha kpær ka krem Cave Park khnang wow pynchlur ya kiwa chong chnong ha i liang i chait i khiah. 

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Najrong ini da ong u wa da rai wow e bor chooh chooh ya ki seiñ hapoh ka chnong namo ki Village Organisations (VOs) deiwa pynyoh ha ki ya ki kor ki bor wa kiwi de ki jait tiar kiwa ye wow pynmih ya ki tiar ki taar wow pynsahnaam wei kiwa daw pynku ya ki kaam uiñke suwari. Da ong u leh wa da dep wow mynjur neibynta u chna ya ki lieñ, ki thaw pynyieñ kari, ki paikhana wa ki luti lai kjat hapoh kani ka Park.

Ha iwi i liang da ong u wa yoh mynsien lyngba i mihsoh ka thaw paitke ha Umiam næ ka Umiam Viewpoint, heiwa ka thong ka sorkar toh u kynrong kyntu wei i pynbha ya ki dukan hapoh Tynam Masi Viewpoint ka wow riñ ya kiwa wan uiñke suwari.  

Hajrong ini da ong u leh wa neiliang ka sorkar da chimkhia ko heiyatoh wow pyndooh pyndam ya i eh i khor ki paidbah ka thaaiñ wa i dooh um hapoh ka thaaiñ, wei lyngba ka Sohra Water Supply Scheme, da mang T. 48 klur khnang wow ye u pynkreh noh ya kani ka kaam. 

Lyngba ka National Rural Livelihood Mission da ye u sdang hadooh 44,067 ki Self Help Group (SHG), iwa da pynmyntoi ya kamwa 4,27,195 tylli ki manyung. Chooh chooh da ye u yarap ya ki 4,607 tylli ki Village Organization (VO) wa hadooh 39,571 tylli ki SHG heiwa da yarap hadooh T. 171.56 klur. Ki VO leh da yoh pdiang yarap i iwa da kynjoh T.192.34 klur.