Khliehriat: U montri i chait i khiah u A.L. Hek deilang wa u montri ka Social Welfare u Kyrmen Shylla, u MLA ka Sutnga-Saipung u Shitlang Pale ynne da lai sylli ki yaka Community Health Centre wa em ha Khliehriat yow pait yei pynkhreh wow yaleh pyrchah ya u khñiang COVID-19. Deilang waki montri da synraan lang u Deputy Commissioner ka East Jaiñtia Hills District, u F.M. Dopth, u A. War, DHS, MI, Shillong, u Vivekanand Singh, Superintendent of Police, East Jaintia Hills District, ka Dr. J. Lakiang, District Medical Health Officer, East Jaintia Hills District wa kiwi ki sahep ka District.
Ha ini lai syIli, ki montri da lai nyngkong ki cha ka Khliehriat CHC heiwa da booh yaka Sample Collection Booth. Da lai pait ki leh yaka Isolation Ward wa em ha Khliehriat 100 Bedded Hospital waka Corona Care Centre wa em ha Dienchynrum, Khliehriat.
Hadien ini da pynman yaka yalang wa pynlai da u DC, heiwa da pyntip cha u montri ka chait i khiah yei pynkhreh hapoh ka District wow yada na u COVID-19.
Da pyntip wa ki bor pynlai District deilang waka chnat pulit da ya krehlang ki wow yada na ini i poor kani ka khlam.
Neiliang u Hek da ong u wa waroh ki tiar kiwa duna daw pynbiang.
Neiliang ki wakreh nadooh ki Doctor da pynsñiaw ki yei sñiawngooh ya u MLA ka thaaiñ u Kyrmen Shylla uwa da pynyoo wa emlang u waki ha ini i yaleh pyrchah ya u COVID-19. Wei da yooluti ki yei kyrchaan yong oo katwa joh i bor u.
Discussion about this post