U Montri khynnah ka sorkar pyrdi wa pait ya ka chnat ki kaam baar ri wa i puræ puthi, u Rajkumar Ranjan Singh ynne da chong yalang u wow booddien ya ki Scheme ka sorkar pyrdi ha Conference Room ka yung krehkaam u Deputy Commissioner, East Jaiñtia Hills District hei emlang u D.K. Singh, Officer on Special Duty u Montri, u A. Baranwal, Deputy Commissioner, u S.S. Syiemlieh, MCS, Addl. Deputy Commissioner wa kiwi kiwi.
Ha kani ka sngi u A. Baranwal da da pynyoo u ya ka PowerPoint Presentation heiyatoh wa ki Scheme ka sorkar pyrdi nadooh ka Ayushman Bharat, PMMVY, MGNREGA, PMAY-G, PM-KISAN, Jal Jeevan Mission (JJM), Sarva Shiksha Abhiyan, Poshan Abhiyan, National Food Security Act (NFSA), PMGKAY, Mid Day Meal Scheme (Rice), ka Swachh Bharat Mission-Gramin wa kiwi kiwi.
Neiliang u Montri hawa e yei klam da ong u wa ka sorkar pyrdi da wanrah ko ya ki Scheme sorkar tangwa emkaam wow pynkreh ya ki wow myntoi ki paidbah.
Heiyatoh wa i puræ puthi da ong u wa toh i kaamram yong waroh leh katkam ka riti synchaar ka ri wei toh i kaamram ki bor ka chnat puræ puthi wow pynmiat wow pynjanai ya i rukom e sikai liang wanang.
Ha kani ka sng da lai pait u leh ya ka Check Dam wa chna lyngba ka MGNREGA chirup waka Meghalaya Basin Development Authority kamjooh leh ya ki yung wa da chna ya lyngba ka MAY-G Scheme.
U Montri da lai pait u leh ya ka chnong Moolamylliang, heiwa da thung u ya ki tre dieñ hei emlang ki dkhot ka Self Help Group (SHG) wei da da sakhi u leh ya ka Financial Literacy Camp ha Rymbai heiwa da yaklam u leh wa kiwa yoh myntoi na ka Pradhan Mantri Jan-Dhan Yojana (PMJDY), MGNREGA Job Card, Pradhan Mantri Ujjwala Yojana (PMUY), ka Pradhan Mantri MUDRA Yojana (PMMY) wa kiwi kiwi.
