Shillong: Ka kynhun synrop United Democratic Alliance (UDA) ha Khasi Hills Autonomous District Council (KHADC) ynne i janmiet da lai ki wow pynyoo yei em paaid ha u Lat ka jylla neibynta wow kam noh wow chna ya ka Executive Committee wa thymme hapoh i yahkhmat u Titosstarwell Chyne.
Hawa klam hadien i yachem, uwa yahkhmat ka UDA, u Titosstarwell Chyne da ong u wa ka UDA da lai ko wow pyntip cha u Lat wa em ko ya i boon paaid wow chna noh ya ka Executive Committee ha KHADC. Da pyntip u wa neiliang u Lat da kular u wow ap ya iyi wa phah ki wa i e yumut yong ka sorkar jylla.
Hawa kylli, da ong u wa lada pyndam ya ka synchaar Administrator, iwa nyngkong dooh toh wow khut noh ya ka dorbar kyrpang wow jied ya u CEM, Chairman wa ya u Deputy Chairman yow chna noh ya ka Executive Committee wei daw khut won ya ka dorbar mang tyngka yong ka Council.
Discussion about this post