Jowai: Hadien wa pynmih pyrthai u MDC ka Jowai North, u Marki Mulieh yei thung kreh tooh hapoh ka JHADC heiwa da thung 79 ngut kiwa kynthup ya u Junior Engineer Grade-I, ki Grade-III wa Grade-IV khlem pynbna paidbah lyngba ki Advertisement ynne ka sngi da ujor u cha u lat ka Jylla.
“In i leh ka EC u Thombor Shiwat man ko pyrchah ya ki kyndon aiñ” da ong u Mulieh.
Ha i yachem wa u lat da batai ha oo chaphang iwa jia hapoh ka Council wei hadien ini i yachem neiliang u lat da kular u wow chimkhia yeini waroh.
U Mulieh da batai u leh ha u lat chaphang i rukom krehkaam ka EC khamtam hei wow pynkreh ya ki kyndon ka “ Jaintia Hills Autonomous District (Establishment of Elaka and Village and Election , Appointment , Powers , Functions and Jurisdiction of Dalloi/ Sirdar and Waheh Shnong ) Act 2015 khamtam hei wow thung ya ki Waheh Chnong wa ki Dolloi.
Ha ini i yachem da khana u yeiwa leh embor ka EC ka Council khamtam hei wow thung ya ki Acting Dolloi hadien wad a chah suspend ki Dolloi heiwa da e nongmuna yei thung ya u Acting Dolloi ka Elaka Sutnga.
Kamtæ da kyntu u ya u lat wow chimkhia yeini neibynta i bha i miat ka mynried mankawi yong ka ri-loom Jaiñtia.
Discussion about this post