Ha ka 8 tarik uni u bani, ka yung bichaar u Sessions Judge ka West Jaiñtia Hills District, da rai pynrem ko ya u Herman Shylla hapoh ka Part -1 ka Section 304 ka IPC.
Ini toh hadien wa da yoh FIR ha Jowai Police Station wa da e da ka Biktoria Pale haka 18-02-2008 kawa da khana wa em wa tynyap ya u khon ko u Lang Pale haka 17-02-2008 heiwa da pynbaad ko wa em le ngut kiwa emkti kitæ u Herman Shylla, u Blingsing Nongkynrih wa u Ialumlang Sana.
Kamtæ da Register ya ka Case hapoh ka Jowai PS Case No. 19(2)2008, hapoh ki kyndon Section 302/34 IPC, wei da takit da Charge Sheet da u Sub Inspector M. Myrboh.
Heipor wa pynmih ya ka hukum rai pynrem, ka yung bichaar da pynlait ko ya kiwi ki ar ngut kiwa chah pynbaad, kitæ u Blingsing Nongkynrih wa u Ialumlang Sana neidaw wym em sabut wa pynyoo wa emkti ki wow leh yeini i kaam wow yarap ya u Herman Shylla wow dung ya u Lang Pale hadooh wa yap.
Kamtæ ka yung bichaar da pynmih hukum ko yow phah kset ya u Herman Shylla 10 snem deiwa khor bha deilang waka kuna kawa Rs. 5000 wei lada ym ye u su yeini daw hap u wow chah kset sa ar bnai deiwa khlem chah pynchitom.
Ka yung bichaar da phah ko leh wow su u Herman Rs. 3 lak cha ka bei u pa u Lang Pale wei yeini daw phah cha ka District Legal Services Authority, West Jaiñtia Hills District yow pait ko.
I pyntip na ka yung krehkaam u District & Sessions Court, West Jaiñtia Hills District.
Discussion about this post