Lait uwi nei chah lute | Noh ka thuk-thuk hapoh dooid | Chem leh ya u tyrnem

Ynne i miet ka 14 tarik heipor kamwa phra duna haroh, uwi u bru da lait salit u nei mynsoo hadien wa kam u wa ar ngut ki bru da pyrchang ki wow lute ya oo wei ini da jia ha u sarok Oxford yow lai cha Last Stop Laban, Shillong.

Katkam wa khana uni u bru u wym kwah wow pynmih pyrtuid, da ong wa ini da jia i heipor wa dang lai luti na utai u sarok heiwa da em ar ngut ki bru kiwa da wan da ka thuk-thuk kiwa sap helmet kiwa da khut ya oo chajan wei hawa lai u da phah ki wow pynyoo ya ka ID u wei da pynbaad u wa kini ki bru toh kiwa sah ha Mawlai wei da klah ki ya ka kata ka Jacket u wei deiwa pyneh u wow yakhun wei da sdang u wow kbai bru, da mih ki paidbah wei mar ya yoo kini ki ar ngut yei boon ki bru da pyrchang ki wow yut.

Related posts

Chah tooh ka thuk-thuk na pchem yung ha Jowai

September 6, 2026

Yoh kem ki pulit ya ki le ngut kiwa wan tyrwa dai da ki thuk-thuk wa chah tooh

August 28, 2026

Tangwa neidaw wa leh i tieñ, kani ka thuk-thuk wa chong ki da noh ko kluk hapoh dooid wei da yoh kem ya kini ki bru.

Neiliang ki pulit dapoi ki cha katai ka thaw wei da rah ki ya kini ki ar ngut cha thanat wei da kem leh ya kani ka thuk-thuk Yamaha RX ka wym em Number wei ya u tyrnem wa da suba wa thmu wow pynmynsoo ya uni u bru.