15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Langam ka Motphran waroh chi sngi, pynkrehkaam biang ya ka Curfew ha Shillong

0 Comments
Advertisement ad1

Shillong: I awri awra ha ka thaiñ Motphran wa Mawkhar ynne ka sngi da man ko kawa jai jai bha wei ini da man i kamni yoosar hadien wa rai ka sorkar wow thung ya ka High Level Committee ya iwa da pynsñiawthooh paidbah da ki le ngut ki MLA ynnin i miet.

I pynkrehkaam ya ka Curfew ha kani ka thaiñ dang pteiñ i hadooh ynne ka sngi, tangwa kiwa chong chnong da rap suk ki neibhah ym em de i pynthut la na ki pulit namo ki paidbah.

Advertisement ad1

Hanlada ym em de iwon iwon i jia wa awri ki pulit da yoh ki ya uwi u klong wa em petrol na ka thaiñ YMCA, lait na ini ym em de iwon iwon i tyngkheiñ aiñ.

I awri ha kini ki soo sngi wa dadep da wanrah i wa i jæd i pra wa joor ha ki thaiñ Mawkhar wa Motphran nadooh ki sarok, ki yung bru ki dukan ki kynroh wa ki naar kær luti lai kjat.

Day yoh yutip le wa ki pulit ka Sadar Police Station ynne ka sngi da yoh kem biang ki sa uwi u bru wa emkti wow dat ya ki le ngut ki khynnah Khasi ha ka 31 Naisan, tangwa dang murieh ki yei pyrtuid u khnang yow lait u thut i takit.

Share this:
Previous

Ki ar sngi kam ki sngi khang kiad ha WKH

Next

Phylla ka PDA wa e pata u Syiem ka Hima Mylliem ya ka Sweeper Colony