15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Phylla ka PDA wa e pata u Syiem ka Hima Mylliem ya ka Sweeper Colony

0 Comments
Advertisement ad1
Advertisement ad1

Shillong: Ka People’s Democratic Alliance (PDA) kawa man leh ka dhab synrop ha Khasi Hills Autonomous District Council (KHADC) hapoh i yahkhmat ka PDF da beiñ joor ko ya i awri wada jia ha kini ki sngi nei dawa wow kyrriah ya kiwa sah ha Themmator, Iewmawlong.

Ynne ka sngi hadien yong ka yalang ka PDA neiliang u CEM ka KHADC, u Pynshngain N Syiewm da sñiaw phylla wa ki bru kiwa sah ha kani ka thaw da kamtre ki ya kani ka thaw kawa dang haap hapoh i pait yong ka Hima Mylliem wa ka KHADC.

Advertisement ad1

Da ong u wa ya kani ka thaw da soi soskular hapyrdi ka Hima Mylliem wa ka Municipal wow e thaw sah ya kiwa kreh kani ka tnat sorkar, wei da phylla u wa ya kani ka thaw da pynman yaaw da kini ki bru iwa man leh pyrchah yeiwa da yakut.

Ha iwi i liang u CEM da ong u wa katkam ka soskular ya kani ka thaw ym ye u pynemkaam da iwi tawon lait na i sah kiwa kreh kani ka tnat, tangwa katni nawon ka thaw da man ko kawa ym yoo tipsap de neibhah wa ki dukan da mih ma mih ki ha kani ka thaiñ.

Da ong wa kiwa em arjait ki jaitbru ya kani ka thaw, kiwa kreh ha tnat Municipal wa ki bru kiwa katni kiwa da buhai chnong pathan heini iwa da pynkhynñia ya ka chnong ka thaw.

U CEM da phylla u leh wa ka Hima Mylliem da e pata ko cha ki bru wa sah heini katwa ka soskular won da ong ko wow ekti cha ka Municipal wow pait ya kani ka kaam toh nadooh u snem 1954.

Heijooh i por u CEM da kyrchaan u yei klam u HS Shylla, wa kani ka thaw toh ka yong ka Kur Nongkhlaw wa ka Kurkalang, wei u Syiem Mylliem ymye u wow e pata neibhah ymtoh ka thaw yong ka Hima, tangwa du ki waheh ka Kur wa ye u e ya ki pata.

Chooh chooh da ong u wa neiliang ka KHADC daw phah ko ya u Syiem ka Hima Mylliem wow pynlang ya ki kot ki sla yong kani ka thaw wei hadien itæ yeiwa emkaam won daw phah cha ka Council.

Da pynrap u deiwa ong wa emkaam wa ka Sorkar jylla, ka KHADC wa ka Hima Mylliem toh u yakrehlang ki chirup khnang wow ye u kyrriah ya kini ki bru na kani ka thaw.

Share this:
Previous

Langam ka Motphran waroh chi sngi, pynkrehkaam biang ya ka Curfew ha Shillong

Next

Yachem u Conrad wa ki montri ya ki heh niam wow wanrah yei chongsuk ha Shillong