15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Lehkmen ka Meghalaya Bharat Scouts & Guides yaka Founder’s Day

Ka Meghalaya Bharat Scouts and Guides (MBSG) ynne ka sngi da lehkmen ko yaka Founder’s Day deilang yaka World Thinking Day ha State Headquarter, Shillong, kawa man ka sngi wa sdang yaka ka Scout & Guides da u Lord Baden Powell waka Lady Baden Powell. Ka phang ha uni u snem toh kawa ong ‘Stand Together for Peace’. Heiwa ya kani ka lehkmen da wan wow sakhi lang da u P. J. Bazeley, u Chief Secretary warim ka Meghalaya kam u kongsan.

U kongsan hei klam yong oo da ong u wa i thong yong kiwa sdang ya ka Scouts & Guides toh iwa e mynsien wei toh u yaroh leh, neibhah pynkhreh ko ki khynnah kynthai wa chynrang wow em ki yei kitkhlieh haka imlang sahlang.

Da ong u wa i kaam ka Scout & Guides toh iwa da seiñ hajrong wow chniah, wow burom, wow man kiwa neh chah wei kini waroh ye ki wow wanrah yei suk i saaiñ hapoh ka pyrthai. Kamtæ da yooluti u wa kini ki yurim wa da siang da kiwa sdang daw psiah ki hawa im i man-ka-sngi.

U Bazeley da e mynsien u leh yaki chynrang wa kynthai wow pynlut por ki ya iwa tip ki, iwa ye ki wow leh yow ye ki u jop ha ki kaam yong ki man-ka-sngi. “Pynemkaam ya iwa em ha phi iwa khlan phi yow jop ya iwa tlot phi, chim yaki kabu wa wan yow poi cha ki kyrdan wa chaneiñ yow man leh kam ka nongmuna wa e mynsien ya kiwi”.

U Bazeley da wai u leh yaka Workshop wa le sngi hajrong ka phang ‘Free Being Me-Action on Body Confidence’ neibynta ki Scout, Guides, Rovers wa Rangers.

Share this:
Previous

Lai u khlieh chipai ka IAF cha Bangladesh yow pynkhlan yei maya lok hapyrdi ki ar ri

Next

Yachem ka EJH waka AJCA haka Inter-District U-23 Men’s Cricket Tournament