theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Lehkmen ka NPP East Jaiñtia Hills yei dap 10 snem pura ka Party

Ki dkhot ka National People’s Party (NPP) East Jaiñtia Hills District, kamwa da leh lang ha kiwi ki thaw, ha kani ka District leh da pynman yei lehkmen dap 10 snem ka NPP nadooh wa da seiñ ya ka ha u snem 2012, wei ya kani ka lehkmen da pyman leh ha Khliehriat, heiwa kiwa kitkaam ka Party na kylleiñ ki chnong yong kani ka District da wan ki cha kani ka lehkmen.

Ya kani ka lehkmen da pynlai da u Phulman Rymbai, Vice President EJH, da emlang leh u General Secretary ka EJH, u Lalminga Ngamlai, u Joinriwel Pyrtuh, Vice President Khliehriat Block NPP, u Seibor Shadap, MDC ka Sutnga-Narwan, u Phasmoon Dkhar MDC ka Musniang-Rngad wa kiwi de.

Ha kani ka sngi da khana leh yei lai luti yong kani ka Party hapoh kani ka District da u J. Pyrtuh, uwa da ong wa ha East Jaiñtia Hills District, ka Party da wan ko ha u snem 2018, kawa da wanrah da u Hopeful Bamon, MLA warim ka 5-Sutnga-Saipung. Da khana u leh wa ya kani ka Party da seiñ da uwi na ki bru paawkhmat yong ka jylla Meghalaya u (L) Purno A Sangma, da ong u wa i thmu wa kongsan yong u Purno Sangma hawa seiñ u ya kani ka Party toh wow pynlum pynlang ya ki jaitbru ri-loom kiwa em da ki spah spah jait ha waroh kawi ka ri India neibynta wow e ka yada ya ki ha kiwon kiwon ki thaw wa em hapoh ka ri.

Ha kani ka yalang da pynman leh yei kynmoo warom ya uwa seiñ ya NPP, u P.A. Sangma uwa uwa man uwi na ki bru wa paawkhmat ym du hapoh ka ri India tangwa wot cha kiwi de ki ri yong ka pyrthai, uwa da jooh ksoh boon tylli ki kaam nadooh kam u Professor, uwa yasait aiñ wei uwa da jop khynde sien ha ka yaleh Election MP ka yong oo.

Ha kani ka sngi ki dkhot ka NPP, EJHD da pynman ki leh yei ah Cake kam i dak lehkmen yei dap 10 snem pura ka Party NPP. 

Share this:
Previous

Ya ka NPP da sdang ha Jowai wei em kabu ksiar wow jop waroh 5 tylli ha West Jaiñtia: Wailad

Next

Yoh kem ki pulit ka East Jaiñtia ya u snar wanrah nong Bangladesh cha India