Ka Trained Nurses Association of India (TNAI), West Jaiñtia Hills da lehkmen ko ya ka Nurses Day ha Northeast Adventist University, Khliehtyrshi hajrong ka phang pyrdi namo ka Theme wa ong,”Our Nurses, Our Future: Caring for Nurses Strengthen Economies.”
Ya kani ka lehkmen da wam wow embynta wa ka Darry Gretta Kharshiing, Chief Judicial Magistrate, u Dr. Heimonmi Niang, Block Development Officer, Thadlaskein C&RD Block, ka Larista Dohling, Principal School of Nursing Pahamsyiem, Nongpoh kawa man leh kam ka General Secretary TNAI, Meghalaya State Branch.
Ya ka lehkmen da sdang deiwa thang ya ka charak da ka kongsan wa kiwi de kawa man kam ka dak wow pynyoo yei chemphang, i em i mynsien maya wa i khreh dohyap wa da e da ki Nurse ha ki kaam sumaar sukhær.
Ka Darry Gretta Kharshiing hawa e yei klam da pynsñiaw ko yei sñiawngooh ya ki Nurse yei kreh chitom ki deiwa ong wa man ki kam u budlum wow pynkhlan ya ka imlang sahlang deiwa wanrah yei chait i khiah iwa pynkhlan leh ya ka khayi pateiñ, kamtæ emkaam ki wow yoh yei tipmit wei burom ya ki kaam wa leh ki.
Ka Suzy Lewis Chen, Vice Principal School of Nursing Dr. Norman Tunnel Hospital, Jowai hawa e yei klam da ban joor ko yei kordor ki Nurse ha ki kaam e sumaar kiwa da man kam ki chrot wa yieñ ki thaw sumaar.
Ha kani ka sngi da saam leh ki muhor sahkynmoo cha ki Nurse kiwa da chong-ngiah.
Hachwa ini da yoh yei ktien pdiang sñiawbha na ka Bailinda Dkhar, Principal cum Associate Professor NEACON katwa ya ki kyntien e khublei da yoh na ka Lubih Kyndiah, Nursing Superintendent Jowai Civil Hospital, Ialong katwa ya ka yalang da pynlai da ka Phiralynn Kharkongor, Assistant Professor NEACON.
Discussion about this post