U MDC ka Mawhati, u Charles Marngar da ong wa da kammon kammon leh ki paidbah ym chah ki wa ka sorkar wow booh ya ki Border Outpost ha ka chnong Tyrso wa Thadrang, tangwa toh u booh ha khappood kamwa da dawa da ka Synjuk Rangbah Shnong Border Area hapoh ka Raid Nongtung, Ri-Bhoi wei wow booh ha ka chnong Ummat wa Umtlieh.
Da ong u wa wot kiwa chong chnong ka Tyrso wa Thadrang ym kwah ki wow booh ya ki Outpost ha kitai ki chnong kiwa dang em bait hapoh u pood u ang ka Meghalaya. Da khana u wa hei yachem wa CEM ka KHADC, u Titosstarwell Chyne da mynjur u wow e yei kyrchaan yei dawa yong ka synjuk.
Da booh yukylli u leh yaka sorkar Meghalaya wa lada tieñ ko wow booh ya ki Outpost ha khappood, pynyoo wa ka sorkar Meghalaya da pyndem tdong ko hakhmat ka sorkar Assam, hawa ka Assam ka booh ko ya ki Outpost, ka Meghalaya leh toh u booh ko.
U Charles da ong chooh chooh u wa lada ka sorkar booh ko ya ka Border Outpost ha Tyrso wa Thadrang daw pynyoo che leh wa u pood u ang ka Meghalaya toh uwa nadooh kitai ki chnong.
Da ong u wa hawa yachem wa u Montri Rangbah, u Conrad Sangma da klam che u wa daw chitom ya ka Meghalaya wow booh ya ki Border Outpost ha khappood, wei ini i klam yong u oo mut i wa da em i sñiawthooh wa ym booh ya ki Outpost ha khappood.
