lyngba ka RTI chem wa da mylliñ ya ka NEHU Jowai Campus: JSU

Jowai : Ka Jaiñtia Students’ Union (JSU) lyngba ka RTI da kam ko wa da chem ko wa ka

NEHU da mylliñ ko ya ka Jowai Campus kawa toh u chna ha ka chnong Wahiajier West Jaiñtia Hills.

Katkam wa mih ha ka RTI wa da booh ka seiñ da pynyoo wa ya i thaw da e sñiawbha da ka chnong Wahiajer neibynta wow chna ya kani ka Campus wei da dep leh sylli (survey) wei wow booh ya ki morcha hei lut wa T. 7,12,694.

Da chem chooh chooh lyngba ka RTI wa ya ka poisa wa da pyllait da ka UGC hapoh ka XIIth Plan yow chna ya ka tai ka Jowai Campus da poi ko T. 600 Lakh.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ya kani ka poisa toh u pynemkaam yow sdang chna noh bran bran ya ka yung thaw puræ wa waroh wa emkaam yow ye u sdang u pdiang ya ki khynnah puræ.

Tangwa hadooh katni neilaing ka NEHU ym pu em ye ko u leh iyi iyi leh lait noh yei ker pood ya kani ka thaw. Kamtæ neiliang ka JSU da dawa ko ya ka NEHU yow sdang noh ko u kreh ya kani ka Jowai Campus wei neiliang ka JSU ym kwah de ko u yoo yei sahteiñ wei i ran dien ka NEHU kamwa da dep jia ha ka chnong Moodymmai ha ki snem wa da dep.

Ka JSU da rai ko leh wa lada ka NEHU ym ye ko u sdang kreh ya ka Jowai Campus ha kini ki kajak por, ka seiñ daw thoh wei u pyntip ko leh chadooh ka sorkar bei ka ri kamjooh leh cha ka Ministry of Human Resource Development yong ka Sorkar India.