Ka Joint Action Committee, Dong Namchiang kawa kynthuplang ya kiwa boon ki chnong wa em hapoh ka Elaka Narpuh da sñiawkhia joor ko yei kit palatpood ki kari kit mooyong wa lai lyngba u surok NH6 iwa da pynman ya u sarok wow nang sih chooh chooh u uwa da sih chwa.
Ka Committee da ong ko wa i yoh kini ki Truck wow leh kamni toh neidaw wa tlot i bor ka aiñ wei ym em de kiwa pait yei lai i wan pyrchah aiñ kini ki kari wa kit mooyong.
Neiliang ka JAC da ong ko wym em ko iwon iwon i bichni ya ka kamai kamjih yong kiwon kiwon ki bru tangwa i kit palatpood da booh ko leh hei maa yei lai i wan neipor cheipor wei ym em hi i pyrchah deiwa kit katkam wa toh u kit wei dei wym chlai palat ya ka Body neibhah kamwa man kattæ i sih u sarok da man u cha palat.
Kamtæ ka JAC da kyntu joor ko ya ka sorkar wow chimkhia yeini i kit pyrchah aiñ kini ki Truck kit mooyong yow lait u sih u sarok wei yow lait hi leh nei maa nei mynsoo kamjooh i jia wa sñiawsih iwa ye u jia ha iwon iwon i por.
Wei lada ka sorkar ym chimkhia ko yeini i kit palatpood yong kini ki Truck, neiliang ka JAC daw mih paidbah ko wow kem naphang katwa chem wow e kti cha ki bor ka aiñ.
Discussion about this post