Maham ka KSU-NKHD ya u DC wa SP ka Ri-bhoi District, emkaam wow kreh ki yei kaam bar u luchia yei kaam ka seiñ

Shilong: Ka KSU North Khasi Hill District ka beiñ joor yei wym mano wa yei ieh khonswet ka chnong Madan Umwang wa kiwi de ki chnong wa haap ha ki thaiñ khappood wa ka Assam. Ini i iehbeiñ ka Sorkar Jylla da pynman ko ya ka seiñ keiñ suloi ka KPLT wa ki Pulit Assam wow chim kabu u pyndik wei wow pynthut ya i chong suk chong chngaiñ hadooh wa da dooh ya kiwa boon ki kaam pynroi ha katai ka thaiñ.

Kam wow pynkynmoo wa ha kani ka tayaw wa dadep ki pulit ka Assam na West Karbi Anglong District da hiar biang ki cha ka chnong Madan Umwang wow pynsangeh yabor ya i chna wa da mang poisa da ka tnat Sericulture yong ka sorkar Meghalaya wei da chah maham u Blikshon Mukhim uwa man kam u Rangbah Shnong ka Madan Umwang .

Ini i jia wa kam ini da dep jia i boonsien ha katai hi ka jooh ka chnong wa ha ki thaiñ Amjong wa kiwi kiwi ki chnong ha ki bynta khappood ka Mawhati Constituency neidaw wa kheiñstin ka sorkar jylla kamjooh ki bor district.

Ka seiñ da kylli ko wei da paan ko yei pynche na u Deputy Commissioner wa u Superintendent ka Ri-bhoi District wa i kaam yong ki toh wow kdong wei wow pynchitom ya ki dkhot ka KSU wa ya kiwa ha yung ha sem yong ki hadooh wow kem ya ki kari samen ki dkhot ka seiñ hadooh ka Ambulance ka seiñ, u DC wa u SP ymtoh chakri ki ya ki paidbah?

Related posts

Ka NPP jop ko da ki kaam pynroi, ymtoh da ka poisa: Conrad

November 27, 2024

Ym ye wow tuklar yeiwa takit ha NEHU: Conrad

November 27, 2024

Ye hi mo ki bor district wow phah da ki CRPF wow thooh ya ki dkhot ka KSU kam wa kdong ya ki dkhot ki seiñ wa leh ya ki kaam wa sih hapoh ka pyrthai? Neiyi i daw wa ka sorkar jylla wa ki bor district ym phah pulit ki cha Madan Umwang wa kiwi de ki chnong yow kem ya ki dkhot ka KPLT kiwa jooh pyndik wei dawa poisa yabor na u paidbah man i por wei wow yada na i leh thombor ki pulit ka Assam?

Ini waroh pynyoo wa i rukom krehkaam u Deputy Commissioner wa u Superintendent of Police ka Ri-bhoi man ko kawa leh chilliang wei ka wym khooid wei ye u em iyi iyi cha lyndet.

Ka seiñ da maham ko leh ya u SP wa u DC wa ki toh u pyndep hok ya i kaam wa da pynkit ha ki wei ym toh u pynwit ki yei kaam yong ka seiñ wei kani man ko ka khubor wa che dooh na ka seiñ cha u DC wa u SP.

Kani toh katkam ka khubor na u Vincent Makri, Vice President KSU North Khasi Hills District.