Ka Khasi Students’ Union (KSU) lyngba kani ka Wyrta da pyntip ko wa da tip ko wa em ki bru samen deilang wa ki kattu katni kiwa da leh wei da thmu pynemkaam bakla yei pyrtuid ka ka seiñ, ka chap ka seiñ wa i pyrtuid i naam kiwa yahkhmat warim ka seiñ neibynta i myntoi samen yong ki.
Ka seiñ da booh ko yei maham ya kam kini ki bru wa lada leh tamkti tamkjat u pynemkaam bakla, daw pynyoo dei bor pyrchah ya ki.
Ka KSU ka kyntu ko ya ki khon ka Bri U Ynñiawtrep wym toh u chah yahbakla wei chah pynbiej ki ha kiwon kiwon ki bru wot hadooh ki seiñbhalang kiwa pynleh maya jaitbru du najrong donhi tangwa napoh won da man ki kam ki dalal ki bor sorkar wa ya ki mynder ri neibhah kini man ki kam kitæ ki suri kup snieh langbrot kiwa leh maya jaitbru du wow pynbood naam wow pynsih yei pyrtuid ka KSU kawa da yieñ skem traiñ la 46 snem kattu yow man kam ka kynroh kawa skem yong ka jaitbru.
Ka seiñ da ong ko leh wa iwa yoo phylla wa kam kini ki jait wa pyntlot yei kaam ym jooh em chah kem ki ha ki pulit iwa ye man wa em iyi iyi cha kylla.
Discussion about this post