Maham ka sorkar ya kiwa booh Toll Gate khlem da yoh bor wa ya kiwa khrong poisa ha ki sarok

Neidaw wa da yoh boon ki ujor wa i ood pyrchah yei em ki Toll Gate wa da booh khlem da yoh bor ha ki sarokbah namo ki National Highway neitæ ki State Highway wa ki District Road ka East Khasi Hills wei ka sorkar Meghalaya leh da yieñ ko ha ka yurim wym chah wow em ki Toll/Check Gate wa man pyrchah ya ka aiñ wei wow khrong poisa pyrchah ya ka aiñ na ki kari wa lai ha waroh ki sarok ka District.

Chooh chooh da ong wa i em kini ki Toll/Check Gate wa pyrchah aiñ wa kiwa khrong poisa yabor, da pynthut i leh yei lai laitlooid ki kari iwa da ktah ya kiwa boon wei da booh leh hei maa ya ki paidbah wa lai wa wan iwa ye wow wanrah yei ya tyrrah kari.

Heijooh i por yow khang leh yei liat ka poisa ki paidbah, neiliang ka District Magistrate da khang ko yei pynkrehkaam khlem da yoh bor ya ki Check Gate/Toll Gate ha kiwon kiwon ki rukom wei kamjooh i khrong poisa yabor ha ki sarok National Highway, State Highway wa ki District Road ka East Khasi Hills.

Ya kiwa leh pyrchah daw pynchitom ya ki katkam ka aiñ.