Ka sorkar Meghalaya da mynjur ko pynyklla noh ya ki kyndon thung kreh ya ki pulit ka jylla wa kynthup nadooh ki Sub-Inspector, Armed Branch Constables, Unarmed Branch Constables wa kynthup ya ki Fireman wa ki MPRO Operators.
Ki kyndon toh kiwa yatoh waka Central Recruitment Board kawa thung kreh pulit wei nachwa jooh chimpor neidaw wa em kiwa boon ki jait kyndon wei kattu daw ye u leh smat wei deiwa khooid.
Da mynjur leh ya ki kyndon neibynta i yaleh Departmental Examination, 2023 neibynta ki sahep ka Indian Police Services (IPS) heiwa nachwa yeini da pynman da ka UPSC katwa kattu won daw pynman noh da ka MPSC hapoh ka jylla.
Kam wow pynkynmoo wa ini wa dep, u Symbood Montri Rangbah uwa man leh kam u Montri ka chnat Home (Police) u Prestone Tynsong da ong u wa ka jylla emkaam ko sa 2500 ngut ki pulit wei yow lait u pynslem u leh yeini da emkaam wow pynkylla noh ya ki kyndon ka Recruitment Board yow smat u pyndep yei thung kreh.
Ka sorkar da thmu ko leh wow sdang noh ya ka Commissionerate of Police ha Shillong yow ye u thung da u Commissioner of Police ha Shillong yow ye u yaleh pyrchah ya ki kaam pyrchah aiñ.
Puræ leh: Daw pynbna noh ka sorkar yei lait kreh pulit wa 2500 tylli
Discussion about this post