Maham ka VPP wow leh dei kaam ya ki pulit wa tymmoh dur kiwa tba kti ya u MLA

Ka Voice of the People Party (VPP) da lai rah ko haka sorkar yei wan toor ki pulit wa tymmoh yei dur, wei neiliang u Ardent Basaiawmoit da maham u ya ki pulit kiwa da jrong kti kat ya u MLA wei daw chah chim ki haka Privilege Committee yong ka Assembly.

U President ka VPP da ong u wa ya kani ka phang ka Party ym sangeh ko, tangwa ki MLA daw leh dei kaam pyrchah ya ki pulit wa tymmoh dur kiwa jrong kti ya ki MLA, wei da ong u leh wa ka Party daw yaklam ko leh hajrong i jrong kti ki pulit wa u Montri Rangbah, u Conrad K Sangma.

Kam wow kdaw heini wa haka 19 tarik ka tayaaw wa dep kawa man ka sngi wa ka VPP da sdang ko wow mih sarok hapoh i emlang 3 ngut ki MLA, da em i ksoh ki pulit dei kti ya u MLA ka Mawlai, u Brightstarwell Marbaniang.

U Ardent da ong u wa ka Party ym em ko iyi iyi i pyrchah ya ki pulit, tangwa kam kiwa yahkhmat wa da jied da ki paidbah ymtoh u kheiñ khyndaw ya kiwa mihkhmat wa da jied da ki paidbah.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Heijooh i por da ong u wa ki pulit ymtoh u tymmoh ki yei dur hawa tyngkhooh ki ya ki paidbah næ kiwa mihkhmat hawa mih ko wow yakhih katkam ka hok yong ka synchaar khadar.