Hadien wa mih ki khubor wa ka Ministry of Home Affairs u wanrah ko ya ki kyndon krehkaam ka CAA hachwa ka Election Lok Sabha, neiliang ki seiñ wa em ha ka Liang Pyrchah ha Assam da sdang ki wow pynsñiaw yei pyrchah yaka Citizenship (Amendment) Act (CAA).
Ka Congress, AAP, TMC, Assam Jatiya Parishad waka Raijor Dal wa kiwi da sdang ki yaka United Opposition Forum (UOF) Assam kawa em 16 tylli ki seiñ (Party) haka yalang wa man ha Guwahati. Ha ka yalang da rai wow phah dorkhat cha ka President, ka Droupadi Murmu lyngba u Lat ka Assam wow dawa tynyap yaka CAA.
Ka UOF da ong ko wa lada pynkrehkaam yaka CAA ha Assam, daw em i yakhih wa joor haka jylla kamjooh ka Assam Bandh pyrchah ya kani ka aiñ.
Chooh chooh ka UOF da kyntu ko ya waroh ki seiñ, ki jaitbru, ki bru samen, ki bru chemphang kamjooh ki khynnah puræ wow yatylli pyrchah ya ka CAA.
Discussion about this post