Man iwa biang lada wan kyrchaan ka Congress ya ka UDP: Bindo M Lanong

Shillong: U Senior Working President ka UDP u Bindo M Lanong da pdiang sñiawbha u lada ka Congress wan kyrchaan ko ya ka UDP neibynta ka Election chiteiñ samoi na Ranikor.

Hawa yaklam ynne ka sngi, u Bindo da ong u wa ha ka Election ym em wa khang yeiyi yeiyi wow e kyrchaan wei man ko ka khubor kawa bha lada ka Congress kyrchaan ko ya ka UDP.

Tangwa heijooh i por, da ong u wa i em ka UDP ha ka sorkar Meghalaya Democratic Alliance (MDA) wa yahkhmat da ka NPP ym ktah i wei ka sorkar daw neh bait ko.

Ka NPP daw pynyakhun ko da u Martin M Danggo uwa da ieh noh kam u MLA na ka Congress hadien wa ka sorkar da e Civil Sub-division ko ya ka Ranikor. Katwa ka People Democratic Front (PDF) kawa emlang ha ka sorkar, da rai kowow pynyakhun da u Pynshngain N Syiem.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ini i ong u Bindo toh hadien wa mih khubor ha kini ki sngi wa ka Congress thmu ko wow kyrchaan ya u kyrtong ka UDP, u Pius Marwein na Ranikor uwa da wan wa-ar ha kani ka election wa dang dep wot.

U Bindo da ong u wa ka UDP da rai ko wow neh bait ha kani ka sorkar hadooh wa kut ka samoi san snem.