Ka Montri wa pait yaka chnat i chait i khiah, ka Ampareen Lyngdoh da ong ko wa ym pu tip bha hajrong i khlaad ka bru wa chah sumaar ha NEIGRIHMS heiwa da chah pynbaad wa leh khalær ha i rukom sumaar.
Ka Montri da ong ko wa ym pu ye u ong iyi iyi hajrong ini neibhah wa dang paan yaka bui (Report) na ki bor wa pynlai yaka Hospital hajrong ini i jia. Da phah ko leh yei sñiawlem cha kiwa ha-yung ha-sem yong kani ka khyllood wa da khlaad noh.
Da ong wa manda yoh yaka Report daw ye wow ong iyi iyi lada em sakhiat i leh khalær yow yei u tuklar wei wow pyntip cha ka sorkar pyrdi.
Heijooh i por ka Ampareen da pynsñiaw ko yei kthang ka mynsien hadien wa tip wa jia ini.
Kam wow pynkynmoo wa ka khyllood wa tip kam ka Ranisha Syiemlieh da khlaad noh hei miet ka 23 tarik heiwa kiwa ha-yung ko da pynbaad wa da pooid ki ka khlem da yoh bor wei ym em leh khana yei daw wa yap ko tangwa da e du yaka Death Certificate.
Puræ leh: Khlaad kawa chah sumaar ha NEIGRIHMS khlem da pyntip yei daw
Discussion about this post