New Delhi: Ka Ministry of Home Affairs da mang poisa ko T. 100 Klur naka Nirbhaya Fund yow sdang wei wow pynkhlan yaki Women Help Desk wa em ha ki Police Station. Kani ka Scheme daw pynkrehkaam da ki jylla wa ki Union Territories.
Kini ki Women Help Desk i thong yong ki wow pynman yaki Police Station kiwa sñiaw chngaiñ ki kynthai wow wan chakhmat deiwa booh ya ki bru wa suk u yaklam ki wow man leh ki bru wa nyngkong wa ki kynthai u yachem ki heipor wa psiah ki chapoh ka Police Station. Ya ini daw booh da ki pulit kynthai ha kini ki Help Desk.
Ya kini ki pulit wow pait yaka Women Help Desk daw e sikai wow man ki kiwa sñiawthooh wa kiwa jem mynsien yeiwa emkaam ki kynthai. Kini ki Help Desk u e yarap ki leh deiwa pyntip wa ki muktiar wa da jied kyrpang kiwa da chemphang, ki Psychologists, ki seiñ wow yarap heiyatoh waka aiñ, i ya syllok, i e thaw sah thaw dem wa kiwi kiwi.
Discussion about this post