Ka seiñ JNC-Western Zone hadien wa yoh ko yei ood i naam na ki paidbah ka thaaiñ yei rukom kreh ya u sarok wa tip kam u Raliang-Sahsniang Road hapoh ka Scheme PMGSY-III uwa jrong 21Km, ynne ka sngi neiliang ka seiñ hei yahkhmat u President yong ka, u Hamehi Bamon da lai pait lai sylli ki ya uni u sarok.
Ka seiñ da ong ko wa hapyrdi i yaroh ya ka sorkar wa da yaleh ko wow pynbha ya u sarok cha kani ka thaaiñ, tangwa sñiawsih wow yoo wa uni ku sarok da sdang u wow em ki dak ki chin wa da sih ha ki kattu katni ki bynta kiwa haap hapyrdi ka chnong Raliang wa ka chnong Laskeiñ hadien du kattu katni por donhi.
Da chem wa dadep u siang rong du na Raliang hadooh Laskeiñ kamwa 2 Km donhi, iwa phylla chooh chooh wa ha ki bynta wa chadien wa dadep siang rong da boon iwa da jæd da pra wa da hap wow pynchan biang, wei kani pynyoo ko wym biang i rukom kreh da kawi ka Company heiwa da yoo lakam wa kreh khalær donhi. Wei lada pait i rukom man uni u sarok ym yoodur u neh u tang chisnem leh lada khlem da chna bha.
Kamtæ ka seiñ da dawa joor ko ya ka sorkar kamjooh ya ka Company wow chimkhia ki wow chna bha ya uni u sarok yoh u man i kyrkhu ya ki paidbah cha kani ka thaaiñ.
Ka seiñ da ong ko leh wa daw booddien chooh chooh ko neini chakhmat heipor wa dang chna ya uni u sarok khnang wa i wanrah yei roi i paar cha ka thaaiñ ym man i iwa sepai, pynkut u President ka JNC Western Zone.
Discussion about this post