18 ngut ki bru da dooh ki yei mynsien hadien wa ka lieñsuiñ ka Saurya Airlines da haap ko mar hadien wa hær na Tribhuvan International Airport, Kathmandu iwa da jia ynne i step.
Kani ka lieñsuiñ wa emlang ar ngut kiwa pynlai ya ka wa 17 ngut kiwa man kam ki Technician toh kawa da mut wow hær cha Pokhara yow phah chna ka tangwa u Pilot ko da lait im u uwa tip kam u Manish Shakya wei da kit ya oo cha thaw sumaar heiwa da mynsoo u nei bynta i khlieh u.
Katkam ki Video wa da poor, kani ka lieñsuiñ da kylla ko syndet syndet dei chrooh wei da noh ko cha ka synrang wa em hajan kani ka Airport heiwa da kop diñ ko.
Ki lieñsuiñ ka Saurya Airlines toh kiwa hær hapoh Nepal donhi kiwa man kam ki Bombardier CRJ-200 kiwa em ar tylli kiwa waroh ar kiwa la 20 snem.
Neiliang ki chipai ka Nepal Army da wan ki wow yarap yow sai ya ki metyap wei da ye leh wow tympleh yei diñ.
Yei daw wa haap kani ka lieñsuiñ ym pu tip.
Discussion about this post