MDA mut Master of Development with Action, kiwa beiñ toh ki wym kwah u yoo yei roi i paar: Charles Marngar

U MLA ka Mawhati, u Charles Marngar hawa e yei klam u hapoh ka yung dorbar ynne ka sngi heiyatoh wa ka Governor’s Address, da ong u wa oo toh u bru wa e yaroh hawa toh u e yaroh wei uwa e buit manda em iwa bakla wei ngait u leh wa emkaam u man salonsar hawa yaklam.

Kamtæ da e khublei u ya ka sorkar MDA yei kreh wa da wanrah ko hapoh ka jylla deiwa ong wa MDA mut i Master of Development with Action ymtoh ka Master of Denial Alliance kamwa da em kiwa da kam.

Da ong u leh wa ki kaam pynroi da yoo ha kylleiñ wot ha ki Constituency wa mihkhmat da kiwa em ha ka Liang Pyrchah iwa pynyoo wa ka sorkar kwah wow pynhun yeiwa kwah ki paidbah.

U Charles da e nongmuna u ya ka Constituency yong oo hi, deiwa ong wa toh kawa da chah ieh mylliñ nachwa da boon snem, kattæ da yoh ko wow yoo yei che heiwa u sarok PMGSY uwa 20 Km na Mawlasnai cha Kdoh Hati da pyndep yei kreh. U sarok wa 16 Km na Umlaper cha Lumkhuid da jan pyndep. U 8 Km na Mawlaho cha Pamlatei leh da jan dep i kreh. U 16 Km na Rtiang cha Mawlyngai toh uwa dang pynkreh.

Da yooluti u leh wa u sarok wa dang sah uwa 40 Km na Sonidan cha Umsiang leh daw sdang noh i kreh ym slem de.

Kamtæ da ong u wa lada em kiwon kiwon kiwa beiñ yei pynchna sarok hapoh ka jylla, toh ki wym kwah wow yoo yeiwa sakhiat.

Related posts

Daw pynman ka Synjuk Waheh Chnong East Jaiñtia Hills District yei jied ya kiwa kitkaam thymme

February 23, 2026

Pynlait poisa ka sorkar cha ki 877 ngut kiwa chna Homestay deiwa e yarap leh da ka Subsidy

February 23, 2026

Da e khublei u leh yeiwa da pynyoh ya ka yung krehkaam wa thymme ka C&RD Block ha Bhoirymbong, ka Umsning wa Jirang C&RD Block kiwa daw wai noh ym slem dei wei yei chna leh ya ka Mawhati C&RD Block.

Da e khublei u leh yeiwa yoh yarap ki warep lyngba ka CM-ASSURE khamtam ki warep saro hadien wa hiar dor syndet u saro wei lyngba ka CM-ASSURE da booh yei dor thied Rs. 55 chi kilo iwa da yarap bha ya ki warep wei da pynlait leh Rs. 53 klur yow yada ya palat 13,000 ngut ki warep saro.

Wei kam ini da jia hei sien nyngkong ya kiwa rep saro kiwa daw kynmoo rta yeini wa da yoh yarap ki.

Da kyntu u leh ya ka sorkar wow pynku ko yeiwa thied ko na ki warep cha ka 1500 Kg na ka 800 Kg.  

Ha iwi won i liang da kyntu u leh ya ka sorkar wow pynbiang ya ka umkor neibhah em ki chnong wa chitom um bha ki.