Kiwa ha-yung ha-sem uwa seiñ ya ka skur Sawlyngdoh Higher Secondary School Mowkaiaw da ong ki wa i chah thombor ki ha ki dkhot SMC kani ka skur da mih biang i ha kani ka kynti, neibhah wa yaka rai yong ka General Meeting wow thung da ka khon khian uwa seiñ kani ka skur u (L) Thomlin Suchiang hei kreh Peon da lai lait ki ka, heiwa da thung pathan ki da ka kurim u Secretary ka SMC.
Yeini da pynsñiaw da u khon yong u (L) Thomlin Suchiang, u Pynbiangmi Laloo uwa da ong kam ka yung ka sem dap ki dei sñiawkhia wa ki dkhot SMC wym em burom ki yei rai yong ka General Meeting wa da pynman ha ka 22-05-23.
Hei sakhiat khana u wa i thmu ka General Meeting wow thung da ka khon uwa seiñ toh kam ka dak wow burom ya ki dien kti dien kjat yong oo uwa da yaleh wow prat luti kamjooh wow kyntu kynrong yei stat i tip, i puræ puthi ha ka chnong waka thaaiñ hi waroh kawi.
Kamtæ i lai lait ki kattu katni ki dkhot SMC da man i i leh embor wa kam neiliang ka yung ka sem u (L) Thomlin Suchiang wym ye ki u pdiang.
Heijooh i por ong u iwa pynphylla chooh chooh ya ki toh wa tang yaka Post kreh Peon wym pu em pynbna paidbah næ khut Interview da poor chwa i yaklam kylleiñ kylleiñ wa daw yoh da ka kurim u Secretary SMC hi.
Puræ leh: Mih pyrchah ka yung u (L)T. Suchiang yei pynman Interview ya kiwa sikai ha Sawlyngdoh HSS Mowkaiaw
Discussion about this post