Ka Riiohlang Dhar sa chisien da chah jied i pyrtuid ko wow em hapoh ka FIFA Refereeing International List 2026 iwa mut wa ha uni u snem leh u ye ko wow embynta ha ki yalehke International.
Yeini da pyntip da ka All India Football Federation’s (AIFF’s) Referee Department cha ka Meghalaya Football Association ha ka 31 tarik u December.
Ka Riiohlang Dhar toh ka FIFA-Level Assistant Referee, wei da embynta ko kam ka Referee ha kiwa boon ki yalehke International ha ki snem wa da lai. Da man ko leh ka kynthai wa ar na India wow man kam ka Match Official ha ka World Cup wei ini toh ha u 2024 yong ka FIFA U-17 Women’s World Cup wa da pynman ha Dominican Republic.
Ha u 2024 hi, ka Riiohlang Dhar kawa man leh kam ka pulit ka Meghalaya Police, da chah jied ko kam ka Official ha ka AFC U-17 Women’s Asian Cup wa pynman ha Indonesia.
Ha u May 2025 da yoh ko yei naam Female Assistant Referee of the Year yong ka AIFF neibynta u 2024-25. Ha u December da man ko kawi na ki 40 ngut kiwa da pynkup burom hapoh Meghalaya wa da pynman da ka Meghalaya Football Association kam chibynta wow sdang i lehkmen yei dap 50 snem ka seiñ.
Discussion about this post