15 49.0138 8.38624 1 0 4000 1 https://wyrta.com 300 0
Advertisement ad1

Mih ka MDC blap na ka Dorbar wow jied Chairman ka KHADC neidaw wa pyrchah ko ya i rukom pynlai Dorbar

0 Comments
Advertisement ad1
Advertisement ad1

Shillong: Ha chwa i jied ya u Chairman ka KHADC, ka MDC ka PDF na Nongshken, ka Grace Mary Kharpuri da mih noh ko na ka dorbar neidaw wa pyrchah yei pynlai dorbar da ka Pro-tem Chairperson, ka Teilinia Thangkhiew kawa da chah mudui ha yung bichaar High Court wa da pynlai ko deibor ya ka dorbar.

Hawa jubab ya ini i pyrchah yong ka Grace, neiliang ka Pro-tem Chairperson da ong ko wa ya ka dorbar da pynlai katkam wa da phah naka yungkrehkaam u Lat ka jylla wei da man ko katkam ka aiñ.

Hawa yaklam wa kiwa pathai khubor, neiliang ka Grace da ong ko wa i mih noh yong ka na ka dorbar toh wa ym sñiaw yahaap ko wa ka Pro-tem Chairperson wow pynlai ya ka dorbar neibhah ka man ko kawa da chah mudui cha ka Kasari wei heijooh i por da em u Deputy Chairman.

Da ong ko leh wa i pynlai ya ka dorbar toh u ekti ha u Deputy Chairman tangwa ym em leh ya ini wei da pyrchah ko ya ini wa kani ka kaam dang em ko ha Kasari.

Chooh chooh da ong ko wa i mih yong ka samen ymtoh kiwa da em i ya sñiawthooh lang wa kiwi ki MDC ka PDA kiwa burom ya u kyrtong yong ki uwa kwah wow yakhun ya kani ka chuki.

Hajrong ini i bynta neiling u CEM ka KHADC, u HS Shylla da ong wa ym em iyi iyi i wit hanlada kani ka kaam dang em ko ha Kasari neibhah wa hadooh katni ka yungbichaar ym em pynmih ko ya kawon kawon ka rai namo ka hukum hajrong kani ka kaam.

Advertisement ad1

0 Comments

Leave a Reply