Jowai: Ka United Democratic Party (UDP) na Meghalaya waka Naga People’s Front (NPF) na Nagaland da mih noh ki na ka North East Democratic Alliance (NEDA) katkam wa pyntip u Hayuthung Bill Lotha uwa da mih leh naka BJP uwa jooh ksoh kam u National Secretary ka ST Morcha ka BJP.
Hawa yaklam u wa kiwa pathai khubor da ong u wa i klam u President ka BJP u Amit Shah wa daw wanrah biang ya ka CAB da ktah ko ya i sñiaw kiwa boon kiwa em cha ka thaaiñ mihsngi ka ri, wei ki paidbah toh u pynwiar ki ya ka BJP naka thaaiñ kawa ym em pyrkhat ya ki khian paaid ki tre ri ka thaaiñ.
Da ong u wa i thmu ka BJP toh wow pynman khian paaid khian jait ya ki tre ri tre chnong ka thaaiñ yong i deiwa wa ya ka dwar ka ri Bangladesh wei ka BJP hap mih ko lada kwah ko wa kani ka thaaiñ u chongsuk ko.
Da kyntu u leh ya u Conrad Sangma wow mih noh ka Party NPP kamjooh ya u CM ka Mizoram wow mih noh ki na ka sorkar NDA kamjooh naka NEDA.
Ha kani ka sngi deilang wa u Lotha da em leh u MP ka West Bengal u Anupam Hazra na Bolpur Constituency (uwa jooh man kam u Professor ha North East 8 snem) uwa da ong wa emkaam wow yada ya ki khian paaid ka thaaiñ mihsngi wei kyrchaan u yei yakhih ki paidbah wow yada pyn da ki ya ki hi. Da ong u leh wa ka ri India toh kawa ar ka ri wa boon bru hapoh pyrthai wei ym emkaam wow wanrah chooh chooh na baar ri kamwa thmu ka CAB.
Discussion about this post