Ka Cyclone Arnab kawa da poi ynnin i step synyaaw ha Andhra Pradesh wa Odisha da wanrah ko yei haap i oor wa joor khamtam nei wan u slap wa ka la’ær wa beh hadooh 140 kmph-150 kmph.
Katkam wa pyntip da ka India Meteorological Department (IMD) da ong ki wa ynne kani ka Cyclone da tlot ko wei sah sa u slap donhi ha ki kattu katni ki District ka Andhra Pradesh, Odisha, Chhattisgarh, Jharkhand, Bihar wa Telangana.
I wan ka Cyclone Arnab da wanrah i leh yei yap ki san ngut ki bru ha Vizag, Anakapalle, Kakinada, Konaseema wa West Godavari District ka jylla Andhra Pradesh neidaw wa chah riñ bordiñ wei chah ban ha ki dieñ wa oor.
Ha ini i wan kani ka Cyclone da ki hajar tylli ki dieñ da chah phut kamjooh ki chrot bordiñ wei ki bor sorkar da kreh ki khlem sangeh wow kyrriah ya ki wei wow wanrah biang ya ka bordiñ.
Ki hali wa ki thaw rep wa chah ktah da kynjoh ki hadooh kamwa 80,000 Hectare wei katni dang em sa 28,000 ngut ki bru wa dang hap rieh ha ki ktem wa pynkhreh ka NDRF wa SDRF.
Nei wan kani ka Cyclone da mih leh boon tylli ki Video kiwa pynyoo yei bor yong ka kamjooh katwon wa chah ktah.
Discussion about this post