July 24, 2019
Shillong: I sih ki Mouthpiece ynne ka sngi haka dorbar ka Khasi Hills Autonomous District Council (KHADC) da pynman ko ya kiwa thoh khubor ka Shillong wow mih napoh ka dorbar hadien wa ym ye wow pynchna ya iwa sih.
Ini da jia i heipor wa pynman ya ka kynta wa wanrah ya ki phang kylli wa da booh por nadooh 11 waje i step hadooh 12 waje pyrdi sngi heiwa ki Mouthpiece yong ka liang synchaar man ki kiwa ym krehkaam.
Ki dkhot ka dorbar kamjooh kiwa thoh khubor wa chong ha ki thaw yong ki kamjooh kiwa rin Video kiwa em hajan ym sñiaw ki yeiwa klam heipor wa e jubab u Executive Member wa pait yaka chnat khayi pateiñ, u Paul Lyngdoh.
U Paul heipor wa jubab u yeiwa kylli ka dkhot ka liang pyrchah ka Grace Mary Kharpuri ka MDC ka Nongshken wa iyi wa da leh wow khang ya ki kaam Benami da sih u Microphone u.
Hawa yoo yei sih ki Mouthpiece, u KHADC Chairman u Pynshngain N Syiem da kyrpaad u ya u Paul wow klam deiwa rap heh i sur.
Ini da pteiñ i heipor wa u Deputy Chief Executive Member, u Pyniaid Sing Syiem dang e u yei jubab.
Neiliang kiwa thoh khubor da phah ki dei thoh cha u Chairman ka KHADC wow pyntip ya iwa chem chitom kiwa thoh khubor wow sñiaw yei wa klam tangwa neiliang u Chairman ym em jubab u yeini kamtæ da chim ya ka rai wow mih napoh ka dorbar.
Katwa neiliang ka liang pyrchah won ym em ong ki iyi iyi leh chaphang ini wa sih ki Microphone.
Kam wow pynkynmoo wa ini ym toh i sien wa nyngkong wa da jia kamni wa sih ki Microphone iwa da pynthut ya i krehkaam ka dorbar.
