15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Paan yada u waheh chnong ka Abi wa chah maham ha ki Naga

0 Comments

Shillong: Hadien i chong syier kawa da ki bna, u waheh chnong ka chnong Abi, u Dilip Marak ynne ka ka sngi da paan yada u neidaw wa hadooh katni ki bru kiwa da kam toh ki jaitbru Naga dang pteiñ ki wow maham oo neidaw wa ym bien u wow e ya ka NOC wow chna ki ya ki thaw sah ha katai ka chnong kawa em ha Killing, Ri-Bhoi District.

Ka Rinkumoni Marak wa ka Gaikha hawa yaklam wa ki laad pathai khubor ha Shillong, da pan yarap ki naki pulit neidaw wa i chah maham ha kitai ki bru da man ko man ka por lyngba ka phone wei da i lai pyndik da ki bru hapoh i tyahkhmat yong u Xavier Mao wa u Robert Sangma uwa man leh u waheh chnong ka Pillingkatta.

U Dilip Marak deilang wa ki kattu katni kiwa chong scnong ka Abri wa Pillingkatta hadien wa ki ym ye de ki wow chah ya i maham wa i pyndik yong kitai ki bru da pynsñiaw ki yei wym banse wow wan noh cha Shillong wow paan yada lyngba ki laad pathai khubor.

Ha ki sngi wa da dep, da em i chah maham pynyap ya u waheh chnong ka Abri tang neidaw wa ym e NOC wow thied thaw ki kattu katni ki Naga.

Da pynbaad u wa ki Naga da tyrwa ki leh da ka poisa neibynta wow yoh ya ka NOC, tangwa hawa u Dilip da kyntait wow e NOC da ong ki wa ym em phær deiwa ong wa da dep thong poisa ki ya u diah u Syiem ka Raid Marwet, u Vicco Syiem T. 5 lak wow pynyoh ya ki kot ki sla waka NOC.

Chooh chooh da pynbaad u wa u Robert Sangma da jooh chim u T. 1 lak wow e ya kawi ka NOC wei pyntip u leh wa kani ka kaam ym toh ka sien wa nyngkong wa kini ki Naga da leh ki wei da jooh dawa ya ka NOC na kiwi leh ki chnong deiwa maham.

Previous
Next

0 Comments

Leave a Reply