Mih noh ki soo kyrtong ka LJP na ka party neidaw wym ye u pynbiang poisa: J. Ahmed

Shillong: U State President ka Lok Janshakti Party u Jamil Ahmed da pyntip u wa 4 ngut ki kyrtong ka Party da ieh noh ki ya ka Party neidaw wa ym ye ka Party u su yei dawa ki wa poi na ka T. 20 lak hadooh T. 25 lak.

Da ong u wa da tip chwa waka LJP toh ka party neibynta kiwa dooh wa duk wei ym em poisa ko wow pynyieñ kyrtong da ka poisa wei ka yieñ hi ko ha ka yurim yong ka wow chakri ya kiwa dooh wa duk yow wanrah ya ka synchaar wa khooid hapoh ka jylla.

Kini ki soo ngut kynthup ki ya u Tony Marbaniang na North Shillong, ka Arelitha K Sangma na Selsella, u Banrilang Jungai na Jowai wa u Denis Tynsiar na Pynursla.

Chooh chooh da ong u wa i ieh kini ki soo ngut ym ktah ko ya ka Party wei da kyntu u leh ya kiwa kyrchaan ya ka Party wym hoi u chah yah bakla ki ha kini ki soo.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da pyntip leh waka LJP daw pynbna kyrtong thymme yow pyntikna wa ka kaam Election ym tooh u man ko ka kaam kamai poisa.