U General Secretary ka UDP, u Jemino Mawthoh da rai u wow mih noh napoh ka Party kawa da embynta u da slem bha.
Yeini da pyntikna leh da ki heh ka UDP wa da mih u napoh ka Party.
Katkam ka khubor wa da yoh, da pyntip u leh cha kiwa kyrchaan yong oo hapoh ka Nongthymmai Constituency kamjooh cha ki heh ka Party yeini i rai u.
U Jemino da jooh man u kam u MLA ka UDP ha u 2013 na Nongthymmai tangwa da rem noh u ha u 2018 wei kamjooh ha u 2023. Da yaleh u leh ya ka MP Lok Sabha ha u 2019 heiwa heini leh ym em jop u.
Ha ka chithi ieh kaam wa da phah cha u Metbah Lyngdoh, President ka UDP, da pynsñiaw u yei sñiawngooh ya ka Party kawa da e laad ya oo wow man kam u MLA wei kam u Working President nadooh u 2014 wa kam u General Secretary nadooh u 2016 hadooh kattæ yow chakri ki paidbah.
Da pyntip u leh wa da ieh noh u yei kaam kam u Honorary Adviser, Planning, Investment Promotion and Sustainable Development Department ka sorkar Meghalaya.
Discussion about this post