Hadien wa mih khubor wa ka Northeast Frontier Railway (NFR) thmu ko wow leh sorjamin ya ka luti rel na Bhoksong, Rajagoan, Baithalangso, Jengkha, Kherani wa Umrangso deiwa pynyabi chadooh cha chnong Jowai, neiliang ka seiñ Jaiñtia Student Union (JSU) Central Body leh da mih ko chakhmat wow pynsñiaw yei pyrchah hajrong ini i thmu.
Ha ka kyrwoh khubor lyngba u General Secretary yong ka seiñ, u Neilkee Mukhim ong u wa neiliang ka seiñ JSU da klam che ko cha ka sorkar pyrdi wa ka Northeast Frontier Railway (NFR) wym toh u wanrah luti rel hapoh Riloom Jaiñtia kat wym pu ye u wanrah ki aiñ wa khlan wow yada nei wan psiah ki bru wa na baar.
Heiyatoh wa ini i pyrchah, ka seiñ da kyntu haroh ko yaka JHADC wym toh u e No Objection Certificate (NOC) ko cha ka NFR neibynta ka luti rel lada ka sorkar ym ye ko u wanrah næ pynkrehkaam da ka Inner Line Permit (ILP).
Ka JSU da pynrap haroh ko deiwa e yumut cha ka sorkar, wa heithaw ka luti rel e noh da ki Medical College, Engineering College wa kiwi kiwi wa emkaam ha ka jylla.
Discussion about this post