U bru wa da booh yei Video ha Instagram @m_devsingh uwa yoh u riñ ya u Raja wa ka Sonam Raghuvanshi heipor wa dang liwan ki na Nongriat, da booh u sa iwi i Video wa da kam u toh i yong ki le ngut ki chynrang wa da chah kem wa suba emkti wow pynyap ya u Raja hajan ka thaw wow lai cha ka chaaid Wei Sawdong.
Da khana u wa heipor wa lai hiar u cha Nongriat da rahlang ya ka 360° Camera kawa ye u riñ waroh soodong chisien riñ wei da pynemkaam leh wa ka Mobile Phone.
Da ong u leh wa da riñ ki boon kynta bha wei ym em ye de wow pait iwi pa iwi wa dadep riñ wei du hadien donhi da pait ki da yoo ki ya u Raja wa ka Sonam.
Katkam i por wa da yoo wa riñ ka 360° Camera da yachem wa ki le ngut ki chynrang heipor 9:25 i step katwa dang ku liwan ki na Nongriat wei ya u Raja wa ka Sonam da chem ki heipor 9:45 i step.
Da pyntip wa da booh ki ya kini ki Video yow yarap ya ki pulit wei ym em ki i thmu wow chna poisa lyngba ini.
Discussion about this post