Ka Meghalaya SSA Schools Association Central Body deilang ka Meghalaya 4th Teachers Association ynne da pynkup burom ki ya u Montri Rangbah ka jylla, u Conrad K Sangma kam ka dak wow tipmit yei rai wa da chim ka sorkar yow pynthymme yei rukom su tulop deiwa wanrah da ka Structured Pay Framework (SPF) najrong wow pynskem yei kreh wa ki kaam poisa poilaiñ kiwa sikai SSA wa ki 4th Teachers ha Meghalaya.
Da ya emlang ha kani ka sngi chirup wa u Symbood Montri Rangbah, u Prestone Tynsong deilang ki Montri sorkar nadooh u Lahkmen Rymbui, Minister, u Timothy D Shira, u Shanbor Shullai, u MLA ka Umsning, u Dr. C. Lyngdoh wa kiwi de ki heh ki khaaiñ kam u Commissioner & Secretary, Education, u Vijay Mantri.
U Conrad hawa e yei klam da e khublei u ya kiwa sikai SSA wa 4th Teachers deiwa ong wa ki da lai luti ki da kawa chitom bha wei oo da embynta u nadooh u snem 2016 heipor wa man u kam u MP wei kattæ da ye wow poi cha ka bynta wow pyntikna wa i e chakri ki da yoh ko yei tipmit deiwa ye u im deiwa emburom kamjooh i man skem i yoh i laa iwa da em hok sakhiat ki u yoh.
Da ong u wa ini waroh toh iwa tyngkleiñ bha wei da emkaam yei ya krehlang da waroh yow ye u wanrah ya ka Structured Pay Framework, kamtæ da e khublei u yei yi ki wow yaichah yow yoh ya u soh i jop.
Chooh chooh da ong u wa deiwa wanrah ya kani ka SPF da man ko iwa hun dooh u hei lai luti wei kmen u leh wow yoo yei dur wa kmen yong kiwa sikai ya ki khon ki kti yong i.
Discussion about this post