Ka Nongkseh SSCC wa ka Khimusniang SC da yoh ki wow psiah Pre-Quarterfinal ha ka 5th Meghalaya State League deiwa jop ha ki yalehke ka Group A wa da pynman ha SSA Stadium Shillong ynne.
Ka Nongkseh da jop suk ko ya ka Umkaber SCC da 16-0, ka Khimusniang won da jop ko ya ka Mawshun SCC da 3-1. Ha kawi won ka yalehke wa da pynman ynne ha ka Group G ha Williamnagar, ka Maram FC da jop ko ya ka Balmanduri da 5-1.
U Kitboklang Pale da yoh u wow thap 6 kool ya ka Nongkseh deiwa thap ha ka minit wa 32, 35, 39, 54, 75 wa 82. Kiwi de kiwa thap kool deiwa yoh Hat-Trick toh u Shano Tariang (69′, 89′, 90’+2) wa u Chesterpaul Lyngdoh (33′, 52′, 79′) – kani da man ko ka Hat-Trick wa le na ki san tylli ki yalehke ya u Chesterpaul. U Hardy Cliff Nongbri (66′, 90′) wa u Pynbhalang Suting (76′) toh kiwi de kiwa yoh u thap kool kawa man leh kawi na ki yalehke wa boon dooh i thap kool ha ka MSL. Uwa yalehke ka Umkaber da thap kool bakla u ha ka minit wa 10.
Ya ka Khimusniang da thap kool da u Meroily Lytan (10′) tangwa ka Mawshun da su kylliang ko lyngba u Restorewell Marbaniang (72′) kawa da neh du 3 minit deiwa thap u Civility Khongmalai lyngba ka Free-Kick ha ka minit wa 75 deiwa ban sa kawi ha ka minit wa 78.
Ini mut i wa ka Nongkseh da em ko 15 Point katwa ka Khimusniang won 12 Point yow yoh nyngkong wei wa ar ha ka Group A, tangwa iwa khaddooh daw tip manda yachem biang ki ha ka 6 tarik u May.
Ki yalehke mynstep kiwa daw sdang heipor 3:00 PM waroh:
Group A (Shillong SSA Stadium) – No match scheduled
Group B (Shillong MFA Ground) – Mawlum Tyrsad SCC vs Mulang SC Nongbah
Group C (Amlarem) – Laskein SCSC vs Amlarem SC
Group D (Khliehriat) – Thangskai Tiger SC vs Rymbai Shkenshynriah SC
Group E (Wahiajer) – Iatyllilang Lumsehkot CSC vs Shillong Lajong FC
Group F (Mairang) – Langsning FC vs Lawbah SC
Group G (Williamnagar) – A’chik SCO Rongjeng vs Attong Matgrik FC
Group H (Mawkyrwat) – Rangdajied United FC vs Seng Samla Umdang Pyllun
Discussion about this post