Ki pulit ka East Jaiñtia Hills da pyntip ki wa da yoh u kem ya u bru uwa 32 snem i rta uwa na Haryana heiyatoh wa i chah tooh ka ATM ha Wapung ha ka 14 tarik uni u bnai heiwa da chah lute Rs 9,57,900 deiwa pynemkaam ya ka kor Gas Cutter yow ah ya ka kor ATM.
Ya uni u bru da tip kam u Irsad wa khut sin kam u Rumi uwa na Mewat, Haryana heiwa da chah kem u na Tauru, Haryana deiwa yarap ka Haryana Police.
U SP ka East Jaiñtia Hills, u Pankaj Rasgonia da pyntikna u yeini heiwa da Register ya ka Case ha Khliehriat Police Station.
Da khana u wa uni u bru toh u dkhot ki damok na Mewat kiwa tooh na ka ATM ha East Khasi Hills, Ri-Bhoi, East Jaiñtia Hills wa North Garo Hills.
Ya uni u bru da kem da ki pulit ka Ri-Bhoi heiwa da Register leh ya ka Case ha Umiam Police Station.
Discussion about this post