I yachem ynne ka sngi hapyrdi ka sorkar Meghalaya wa sorkar Assam deilang ki seiñ wa kamai kari ki ar jylla da man ko kawa mihsoh heiwa waroh arliang dapoi ki cha ki kattu katni ki mynjur.
Hawa pynbna yeini, neiliang u Deputy Chief Minister, u Sniawbhalang Dhar, da pyntip u wa ki seiñ ki kari kamai da yaklam chwa ki para ki kamwa ar kynta wei hadien da wan kiwa mihkhmat ka sorkar heiwa na Assam da wan u Minister, u Atul Bora.
Ki seiñ kiwa kamai kari da em ki 7 tylli na Assam wa 5 tylli na Meghalaya.
U Sniawbhalang da pyntip u wa neiliang ka sorkar Assam da mynjur ko wow booh thaw pynyieñ kari kamjooh wow pynbiang ki painkhana ya kiwa na Meghalaya ha Guwahati Airport.
Da rai leh wow thung da ka Joint Committee ka wow emlang ki Commissioner na waroh arliang ki jylla deilang kiwa mihkhmat ki seiñ wa kamai yow pait ya iwon iwon i eh kiwa kamai kari.
Da pyntip wa da yaklam leh yei chemchitom heiyatoh wa ki bor ka aiñ, kamjooh i em ki dalal wei yeini waroh leh daw yaklam pynbait.
Neiliang u Atul Bora da ong u wa ka yachem ynne ka sngi toh kawa biang bha deiwa pynrap wa ki ar sorkar u ya krehlang ki neibynta i bha i miat kiwa kamai kari na Meghalaya wa Assam.
Discussion about this post