Ka dhab ki Montri sorkar namo ka Cabinet yong ka jylla Meghalaya ynne ka sngi 19 tarik da mynjur ki wow pynheh noh ya ka rta thap kreh sorkar cha ka 37 snem, tangwa ini i rai ym em da pynkrehkaam ha ki kattu katni ki chnat wa hap wow pynbiang yei bor i doh i pran.
U Montri Rangbah ka jylla, u Conrad Kongal Sangma hawa klam hadien wa da wai ka yalang da ong u wa ka sorkar da mynjur ko wow pynheh yei rta kiwa yaleh kreh sorkar, lait noh ha ki kaam wa hap wow khlan i bor i doh i pran namo kiwa hap wow sap Uniforn kam ki kaam pulit, Forest Guard, Home Guard & Civil Defense ym em i pynkylla.
Da ong u wa i pynheh rta kiwa thap kreh u man na ka 27 snem cha ka 32 snem katwa neibynta ki Schedule Tribe da pynheh na ka 32 snem cha ka 37 snem i rta.
